Reklam
Xəbər lenti













































Ən çox oxunanlar

Polad Bülbüloğlunun heykəli ucaldıldı - Moskvada (Fotolar)

 

 
 
Xalq artisti, Azərbaycanın Rusiyadakı fövqəladə və səlahiyyətli səfiri Polad Bülbüloğlunun Moskvada heykəli ucaldılıb. 
Azerixalq.az  AzNews.az-a istinadən xəbər verir ki, bu barədə aparıcı Hacı Nuran məlumat verib. O, bildirib ki, mayın 17-də P.Bülbüloğlunun heykəlinin açılış mərasimi olub: "Heykəl Rusiyanın paytaxtı Moskva şəhərində yerləşən Rusiya Federasiyasının Rəssamlıq Akademiyasında ucaldılıb. Onun yaradıcısı Rusiya Rəssamlıq Akademiyasının prezidenti, UNESCO-nun xoşməramlı səfiri, dünya şöhrətli heykəltəraş, xalq rəssamı Zurab Tseretelidir. 
Mərasimdə Heydər Əliyev Fondunun vitse-prezidenti Leyla Əliyeva, Azərbaycan Milli Elmlər Akademiyasının prezidenti Akif Əlizadə, Moskva Dövlət Humanitar İqtisad Universitetinin rektoru Vaqif Bayramov, Rusiyanın və Azərbaycanın mədəniyyət və incəsənət xadimləri, Rusiya Federasiyasında akkreditasiya olunmuş bir çox xarici ölkələrin diplomatik nümayəndəliklərinin təmsilçiləri də iştirak ediblər. Tədbirdə xalq artisti Polad Bülbüloğlunun oğlu 15 yaşlı Murtuza Bülbül hər kəsi təəccübləndirib. O səhnəyə çıxaraq, atasının mahnılarından ibarət popurini səsləndirən orkestrə dirijorluq edib. Sonra isə Polad Bülbüloğlu bir neçə təkrarolunmaz gözəl mahnısını ifa edib”.
Qeyd edək ki, Xalq artisti Polad Bülbüloğlu Rusiya Federasiyasının Rəssamlıq Akademiyasında heykəli qoyulan ilk və yeganə azərbaycanlıdır.
 









           Tarix: 18-05-2016 10:29   

Gündəm
































Video səhifəmiz

img

Fotosesiya