Reklam
Xəbər lenti













































Ən çox oxunanlar

Gürcüstan prezidenti Novruz bayramında

Gürcüstan prezidenti Novruz bayramında

Prezident və baş nazir Marneulidə baram şənliyinə qatılıb.

Gürcüstanda soydaşlarımızın yığcam yaşadıqları Marneuli şəhərində Novruz genişmiqyaslı bayram şənliyi ilə qeyd olunub. Gürcüstanın müxtəlif bölgələrindən gəlmiş azərbaycanlılar üçün yaradılmış guşələrdə xalqımızın qədim tarixini, milli adət-ənənələrimizi əks etdirən atributlar nümayiş olunub.

Azərbaycanlıları bayram münasibətilə təbrik etmək üçün Marneuliyə gələn Gürcüstan Prezidenti Giorgi Marqvelaşvili və Baş nazir Giorgi Kvirikaşvili şənliklərdə iştirak ediblər. Bayram tonqalını alovlandıran dövlət və hökumət başçıları Novruz adət-ənənələri ilə tanış olublar.

Azərbaycanın Gürcüstandakı səfiri Azər Hüseyn Prezidentə Novruz bayramının özəllikləri barədə məlumat verib. Gürcüstanın dövlət və hökumət başçıları samovar çayı içib, yumurta döyüşdürüb, şəkərbura və paxlavanın dadına baxıblar. Prezident və Baş nazir idmançıların çıxışlarını da izləyiblər.

Gürcüstan prezidenti Novruz tonqalını yandırıb
Gürcüstan prezidenti Novruz tonqalını yandırıb

Giorgi Marqvelaşvili bu gözəl Bahar bayramı günündə Azərbaycan xalqına böyük uğurlar, firavanlıq və bolluq arzulayıb. Prezident Gürcüstanın, o cümlədən Marneulinin infrastrukturunun inkişafı, burada yaşayan azərbaycanlıların həyat səviyyəsinin yüksəldilməsi istiqamətində aparılan işlərin bundan sonra da davam etdiriləcəyini bildirib.

Baş nazir Gürcüstanda yaşayan azərbaycanlıların Novruz bayramını Azərbaycan dilində təbrik edib.

Kvemo Kartli-Borçalı bölgəsinin qubernatoru Paata Xzinaşvili, həmçinin digər hökumət nümayəndələri də azərbaycanlıları bayram münasibətilə təbrik ediblər.

Gürcüstan prezidenti və baş naziri azərbaycanlıları təbrik edib
Gürcüstan prezidenti və baş naziri azərbaycanlıları təbrik edib



           Tarix: 21-03-2016 18:23   

Gündəm
































Video səhifəmiz

Bakıda avtobuslar Éks yola çıxaraq sÉrniÅinlÉri tÉhlükÉyÉ atıb

Fotosesiya